Hjúkkunemi vestur á fjörðum

F-Ó-T-B-O-L-T-I

2011-07-18T18:44:00.003Z

Hér er mynd af okkur heimahúsmæðrum sem unnum stórsigur 3-2 gegn brottfluttum húsmæðrum í Súgandafirði í fótbolta á Sælunni 2011.... Auðvitað stórglæsilegar GULLSTELPUR !!!!!

Eina skipti sem ég hef keppt í fótbolta... alveg spurning um að hætta á toppnum!!

og þá var það par

2011-05-17T19:57:00.001Z

Mér finnst þetta eigilega bara dáldið töff

Krukkuhekl...

2011-05-16T21:45:00.005Z

og allt í rauðu..... svo gaman að vera í sumarfríi...Svo fullkláruð með kertaljósi
Á fleiri krukkur og nú verður heklað utan um þær líka :)))))..

Ekkert Ikea á Suðureyri

2011-04-25T21:05:00.005Z

Þá er eina ráðið að kikja í geymsluna og vita hvort það sé ekki eitthvað sniðugt sem leynist þar. Frumburðinum mínum vantaði bókaskáp og pabbinn og afinn redduðu því hratt og örugglega enda ýmislegt til í góðri geymslu. Með smá ajax og einni tusku til að losna við rykið þá er þetta útkoman.

Gamall coke kælir fær nýtt hlutvek

Held þetta sé bara vel brúklegt....

Taskan góða

2011-03-05T20:18:00.007Z

Svona lítur þessi elska út, gerð úr alls konar afgöngum og markmiðið var að hún kostaði ekkert

Fóðrið innan í er gömul gardína úr herberginu hans Daníels
Handfangið var heklað úr stuðlum ca 8cm á breidd sem ég saumaði svo saman og sneri við, svo það mundi líta betur úr og teyjast minna þegar taskan er full af girnilegu garni og tilheyrandi saumadóti.
Þetta er botninn á töskunni. Ég skar líka út pappaspjald úr pleymó kassa frá Aroni Kára til að hafa góðan og harðann botn sem ég saumaði í gardínuefnið.

Svo var þetta bara heklað eftir aðstæðum, garni og tíma í hvert sinni en oftast eftir nennu og hún var "hönnuð" jafnóðum og heklað var.

Græni hlutinn eru stuðlar og eftir ca 8 umferðir þá fór ég að hekla saman lykkjur í ca 4-5 umferðir til að hún mundi ekki enda miklu stærri að ofan en neðan

TILBÚIÐ !!!!

2011-02-19T14:54:00.002Z

Takk fyrir mig elsku bróðir, þetta verður mikið notað héðan í frá :)))

Allt í vinnslu...

2011-02-11T14:45:00.002Z

... og í stíl við heimilisköttinn :)

Hvað gera bændur þá????

2010-11-06T19:15:00.003Z

Minn nýji GSM sími, þessi með GPS-inu hafði það ekki af vestur á firði í gær og hefur verið útskurðaður látinn..... jarðarförin auglýst síðar.

Tölvuvirus í Æsufellinu????

2010-11-03T22:53:00.003Z

nei það getur ekki verið, en hinsvegar þá gleymdi ég að logga mig útaf fésbókinni í dag stödd í Eyjabakkanum og það virðist vera að einhver þar sé að fíla feisið í tætttllllllluuuuurrrrr......

Davíð minn það er tiltölulega einfalt að fá sér fésbókaraðgang, þú bara klikkar á register og svo ertu leiddur í gegnum ferlið skref fyrir skref, og þar með getur þér líkað við allt slúðrið á moggasíðunni og gerst aðdáandi að einhverjum íþróttaliðum, ásamt því að vera í ennþá meiri tengslum við ættingja í afríku nú eða bara uppá Grundarfirði !!!!

ÉG SKORA ÞVI HÉR MEÐ Á ÞIG DAVÍÐ HANSSON WÍUM að stofna aðgang á FACEBOOK.COM

Þið hin megið endilega skora á hann líka KOMA SVO GOTT FÓLK

MÚHAHAHHAHAHAAAAAAAA............

Meðan ég dvel í borginni.....

2010-10-30T19:06:00.008Z

Þá sér minn heittelskaði um börnin okkar, ég fékk skilaboð í síman um að það væri súkkulaðikaka í kvöldmat frá þeim eldri og að þeir bræður væru að baka kökuna saman, ok ekki það hollasta kannski en ekki get ég gert neitt í því stödd í á suðurhorni landsins. Svo fékk ég símtal frá þessum fyrrnefnda um að ég ætti tölvupóst með myndum frá bakstrinum.

Fæst orð ber minnsta ábyrgð....

Drottning landbyggðarinnar og GPS tæki

2010-10-28T17:06:00.003Z

Ég er bara nokkuð ánægð í Reykjavík og er frjáls ferða minna en þvi má þakka þvi stórkostlega GPS tæki sem er innbyggt í símann minn. Ég villist því síður og kem nokkuð fljótt og örugglega á áfangastað sem er jú stór kostur fyrir svona landbyggðartúttu eins og mig. Þó eru nokkrir gallar á kerfinu sem ég er ennþá að "digga" en ber þar hæðst akreinar. Förum aðeins yfir þetta í stuttu máli :

Í hinni geysifögru stórborg Reykjavík eru margar margar götur og og margir margir bílar. Til þess að allir komist á sinn áfangastað þarf að hafa margar akreinar í sömu áttina, hringtorg, slaufur beyjur og allskonar bara..... tækið er ekki endilega að segja mér að akreinin sem ég er á breytist fyrir einhverja töfra í beyjuakrein og ég er allt í einu á leið uppí Grafarvog eða Kópavog eða bara vestur í bæ... ehemmmmm

Eyjabakkablogg :)

2010-10-26T20:06:00.002Z

Hef það ofsa gott í Æsufellinu, verknámið byrjað á fullu á Heila og taugalækningadeild
Hef það ofsa gott í Æsufellinu.... bíddu var ég búin að segja það?
Skrapp í Eyjabakkann að blogga þar sem það er ekkert internet í Æsufellinu en ég hef þó gömlu gufuna til að horfa á enda er það afbragðs skemmtun.

Kæru afríkubúar þið verið að fyrirgefa bloggleysi þessa vikuna í það minnsta þar sem ég hef ekkert internet í Æsufellinu, stefni þó á kaup á netpung þegar barnabæturnar koma í hús um mánaðarmótin.

Litla Selfoss prinssessan

2010-10-24T13:21:00.002Z

Fékk þessa mynd senda í t-pósti, stúlkan á myndinni fæddist 5.okt og var fyrsta barnið sem ég sá fæðast. Erum við ekki sætar saman :)))

I gotta feeling.....

2010-10-23T20:54:00.002Z

toneight gonna be a good night vooooooooo

Bjór

Sushi

Snakk

yndislegir vinir úr firðinum fagra

og kóktelsósa

HVAÐ GETUR KLIKKAÐ????

Ahaaaa what a feeling!!!!!!

2010-10-20T14:41:00.004Z

Síðasti kassinn.......

Teppi fyrir örverpið á heimilinu

2010-10-18T19:04:00.005Z

Ég heklaði þetta teppi í haust fyrir Aron Kára, hann valdi grænan lit og þetta er útkoman

Hér erum við mæðginin að kúra undir teppinu góða, það var mjög notalegt :)

Búbbmundur prófaði líka en var rekinn burt með miklum látum

Ahhhhh

2010-10-15T18:47:00.002Z

Það er svo gottt. Ómurinn af barni inní herbergi með latabæ í bakgrunni. Úr hinni áttinni heyrist mér að einhver sé að horfa á Friends..... Stúss í eldhúsinu og matarilmurinn fyllir mín vit. Kötturinn malar, rökkur úti og dásamleg ró yfir öllu... ÉG ER KOMIN HEIM !!!!!!!!

Helgarrúnturinn

2010-10-11T21:41:00.009Z

Íbúðahúsið á Vatnsskarðshólum

Skógarfoss

Skilti fyrir utan afríkudýrasafn á Stokkseyri

Kerið

Eva Dögg

Dyrhólaey

Aska úr Eyjafjallajökli

Helgin framundan :)

2010-10-08T15:22:00.002Z

Stefni á smá road trip um helgina, ætla að skella mér á Hvolsvöll seinnipartinn í dag og gista eina nótt hjá vinkonu, svo á laugardag ætla ég að keyra austur í Mýrdalinn og vita hvort ég finni ekki einhverja ættingja þar td á Vatnsskarðshólum og í Garðakoti. Ætla bara rétt að vona að það verði ekki eldgos svona rétt á meðan ég verð á svæðinu ehemm :/

Ferðasaga og myndablogg væntanlegt á mánudag :)))))

Eigið góða helgi elskurnar :)

Á Selfossi

2010-10-07T00:09:00.003Z

dúrí dúrí dúrí dúri dúrí rúúúúú..................

Fæðing númer 2 afstaðin, andartakið sem lítið kríli dregur andan í fyrsta sinn ÓMETANLEGT

Ætti ég kannski að verða ljósmóðir ???

Kraftaverk lífsins

2010-10-06T09:28:00.003Z

Svo skauts það út eftir miklar þrekraunir hjá væntanlegri móður, litið kríli sem hafði verið að þroskast í móðurkvið í heila 9 mánuði var loksins komin í heiminn. Andartakið að heyra grátinn þegar stúlkan fæddist og horfa á foreldra sínu í fyrsta sinn var stórkostlegt. 10 fingur og 10 tær allt á sínum stað. Þreytt mamma, stoltur pabbi, gömul ljósmóðir og einn hjúkkunemi við öll lækkuðum róminn og horfðu á litlu stúlkuna. Á þessu andartaki var allt annað ómerkilegt.

Ég staulaðist svo heim ekkert svo löngu eftir fæðinguna þá hafði þessi nemavakt staðið í 16 klst, það er allt í lagi, ég sef bara seinna :)

Ein ég sit og sauma...

2010-10-02T19:03:00.004Z

Er alveg að fatta þetta
Mjög einbeitt

Sko þetta gat ég :)))

Smá fróðleikur um áfengi

2010-10-01T09:02:00.003Z

Sit í tíma i geðhjúkrun og fyrirlesturinn fjallar um áfengissýki, ég ætla nú reyndar ekki að tala um það hérna heldur koma með smá fróðleik um áfengismagn með líkaminn þolir

Ein eining (unit) er 10ml af etanóli eða um 8gr.

–Líkaminn ræður við að vinna úr ca. 1 ein á klst.

– Þetta er eitt 125ml glas af léttvíni (8%)

–750ml af 12% víni eru 9 einingar

–500ml af 5% bjór eru 2.5 einingar

–(Magn í ml x %áfengi)⁄1000=einingar áfengis

–Ath. Breytilegt eftir löndum

Hvað er í lagi að drekka mikið?

–Karlar: 21 eining á viku

•T.d. 8 “stórir” bjórar eða 2 léttvínsflöskur

–Konur: 14 einingar á viku

•T.d. 1.5 léttvín á viku

•Gert er ráð fyrir að áfengisins sé ekki neytt allst í einu og ekki alla daga.

Þar hafiði það

SKÁL!

Fæst orð bera minnsta ábyrgð

2010-09-29T18:57:00.003Z

.....

Einmanna í norðrinu

2010-09-27T17:52:00.003Z

Jæja strákanir mínir allir fluttir vestur og ég er ein eftir á Akureyri. Búin að skrá mig sem fjarnema og lögheimilið komið vestur á firði. Á föstudaginn er förinni heitið til Reykjavíkur og gist eina nótt og svo er það bara Selfoss í heilar 2 vikur á fæðingardeildinni í verknám, nóg að gera hjá mér. Er samt farin að sakna drengjanna minna strax en þetta verður fljótt að líða.

Njótið dagsins

Upptekin...

2010-09-23T20:29:00.001Z

..... við að pakka búslóðinni og má ekkert vera að þvi að blogga, brottför á laugardag

Vísindaferð

2010-09-21T18:40:00.007Z

Í háskólanum er reglulega farið í nokkrar vísindaferðir, í þessum ferðum hef ég heimsótt ýmsa staði og upplifað nýja hluti. Á föstudagskvöldið var farið í slökkvistöðina á Akureyri og þar eyddum við rúmum 2 klukkutímum við hinar ýmsu athafnir, hér eru nokkrar myndir um hluti sem ég ýmis gerði eða ekki......

Upp með körfubílnum 27m .... ekki ég, er alltof lofthrædd

Reykköfun jebb that´s me :)

Sprauta vatni með stórri slöngu jább með smá aðstoð því krafturinn í svona er rosalegur

Keyra slökkviliðsbílinn, ónei ég náði ekki niður á pedallanna

Drekka nokkra mohitjoa og bjóra á Cafe Amor eftir heimsóknina HELL YEA!!!!!!!!

aaaaaaatttttttjjjjjjúúúúúú

2010-09-19T10:09:00.004Z

Föstudagskvöldið var æði, við hjúkkuskvísur fórum á slökkviliðsstöðina í vísindaferð og það var æði bara í alla staði, teknar voru nokkrar myndir þar sem ég set inn síðar. Ég nældi mér í flensuskít í leiðinni og er búin að liggja lárétt alla helgina með hor hósta og hita. Planið er að hrista það af sér því í kvöld er dinner og leikhúsferð með mínum heittelskaða á dagskrá og eigilega eina tækifærið okkar til þess að gera svoleiðis saman áður en við flytjum vestur.

Sökum heilsubrest læt ég þetta blogg duga í bili :/

pffff.... blogg er blogg sko

2010-09-17T13:55:00.006Z

Ég óska eftir þvi að þetta bloggdót mitt verði minnkað í 2 pistla á viku, það sér það hver maður að það er erfitt að blogga 3 daga í viku enda eru fáir í þessari fjölskyldu sem gera það. Elsku Villi minn viltu minnka kröfurnar í 2 skipti á viku og ég lofa þvi að koma þá með mun innihaldsríkara blogg *englabros*

Annars er magnað kvöld framundan sem mun innihalda amk tvo skemmtilega hluti og hér fyrir neðan má sjá smá sýnishorn

vóóó

2010-09-15T20:57:00.001Z

ég þarf að blogga í kvöld.... hugmyndir eru akkurat engar...... sorry

Kveðja úr norðrinu

Rollublogg meeeeeeeee.......

2010-09-13T21:09:00.013Z

Við Aron Kári skelltum okkur í smá sveitabíltúr á sunnudagsmorgun. Förinni var heitið í Fnjóskadal en þar var búið að bjóða okkur í réttir. Við lögðum í hann um kl 9 og vorum mætt á svæðið um kl 10. Bærinn sem réttin stendur við heitir Þverá í Dalsmynni en vinkona okkar sem bauð okkur er tengdadóttir ábúenda þar. Þetta var hin skemmtilegasta ferð og vorum við Aron Kári mjög ánægð og ætlum svo sannarlega að mæta aftur að ári hvort sem það verður í þessari sveit eða annarsstaðar.

Tók nokkrar myndir á gemsann minn, njótið vel :)

Séð yfir réttina

Gerðum smá gagn og stóðum fyrir

Djúpar samræður

Kjötsúpa anyone??

Hin alíslenska sauðkind

Efnilegur sveitapiltur

Ég verð víst að standa við minn hluta samkomulagsins

2010-09-11T22:49:00.004Z

og blogga hér með í 3. sinn í þessari viku. Jú ég er ferlega ánægð með mig svona miðað við fyrstu vikuna. Þetta er nú þarna í kollinum á mér og stundum dett ég í miklar pælingar um hvað ég geti eigilega bloggað um. Í dag er ég ferlega hugmyndasnauð enda litið gert um helgina nema bara kúra heima, þrífa og reyna að vera mamma svona meðfram öllu hinum. Á morgun er mikið að gera, við Aron Kári ætlum í réttir í fyrramálið og svo er stefnan sett á hópverkefnavinnu eftir hádegið ásamt því að læra og undirbúa komandi viku i skólanum. já það er nóg að gera að vera ein á Akureyrinni með 2 stráka og vera fullu háskólanámi.
Held ég dríf mig í háttinn enda stór dagur framundan....

Stey tuned... mánudaginn má lesa rollublogg vúppí

btw... Aron Kári er sannfærður um að það búi tröll undir brúnni á myndinni og eyðir miklum tíma í að stara útum gluggann í stofunnií þeirri von að tröllið sýni sig... eitt veit ég... þessi þolinmæði sem drengurinn hefur er svo sannarlega ekki komin frá mér ;)

Handavinnublogg

2010-09-09T17:08:00.002Z

Hér er teppi sem ég er að hekla fyrir yngsta fjölskyldumeðliminn, hann valdi grænan lit á teppið og því fór ég útí búð og keypti alls konar grænan lit. Þessi mynd var reyndar tekin fyrir 2 vikum og í dag er ég alveg að verða búin með teppið.. Þá kemur aftur handavinnublogg með mynd af herlegheitunum en þangað til læt ég þetta duga :)

Símasamband heimsálfana á milli.....

2010-09-07T18:33:00.005Z

jáhá... minn elskulegi bróðir sem býr hinu megin á hnettinum gerði samkomulag við mig í símann í dag. Samkomulagið var á þá leið að ég fæ að vera í Æsufellinu á meðan verknámi stendur í stórborginni Reykjavík gegn þvi að blogga 3x í viku!!! jæja ég verð að standa við minn hluta og þvi er þetta fyrsti bloggpistillinn af mörgum næstu vikurnar. Ég reyni að fá einvherjar stór sniðugar hugmyndir um blogg og þið verðið að vera dugleg að kvitta fyrir komuna og hverja mig áfram :)

og hana nú sagði hænan og lagðist á bakið

2010-06-10T12:58:00.006Z

Mér sýnist á öllu að ég eigi aðeins tvo blogg aðdáendur í bloggheimum, svona miðað við commentin sem ég fékk eftir að hafa vakið upp annars ágæta síðu eftir ársdvala.

Mér finnst nú hálfleiðinlegt að blogga fyrir bara tvo lesendur og hef þvi ákveðið að sleppa þessu bara alfarið og halda mig við feisbúkk síðuna mína og lesa bara hjá öðrum. Enda hef ég svosem ekkert áhugavert að segja frá held ég bara.

Tja það eina sem mögulega gæti fengið mig til þess að endurskoða þessa ákvörðun mína er að fá gríðarlega hvatningu og fleiri lesendur inná bloggið..... en nei ég sé það ekki alveg gerast

Anyway það var gaman að prófa þetta

takk fyrir mig

Í skólanum læri ég ýmislegt nytsamlegt

2010-06-08T12:07:00.001Z

Afar nauðsýnlegt er að rifja reglulega upp handtökin svo hægt sé að bregðast við á hættustundu

Super Sexy Abdominal Thrusts

vííí

2010-06-03T22:07:00.001Z

Man lykilorðið.....

Feitur bloggpistill 8.júní nk....

stay tuned

hjúkkuneminn á akureyri

Við unnum annað árið í röð

2009-06-08T18:21:00.006Z

1.árið í hjúkrnarfræði við Háskólann á Akureyri BÚIÐ !!!

2009-05-25T13:41:00.001Z

Nýjasti frændinn

2009-03-26T15:21:00.004Z

Litli prins Wíum
4260 gr
53,5 cm

Ég fór í ferðalag

2009-02-09T19:30:00.008Z

á Litla hraun

þar eru búnar til allar númeraplötur landsins eins og flestir vita

Þarna eru greinilega allir með fulla fimm

og geta tekið á móti gestum í svona fínum heimsóknarherbergjum

sætar hjúkkunemar

Þessum myndum var stolið af facebook siðu, ég skyldi mina myndavél eftir enda var alveg stranglega bannað að koma með svoleiðis þarna inn en greinilega hefur verið gerð undanteking á þvi...

Þetta var bara gaman :-)

Byrjaði í ræktinni í dag

2009-01-20T19:34:00.005Z

í stuttu gallapilsi og háum stígvélum.

- flugvélin lenti í Reykjavík kl 12 37 *12 dýrmætum minótum of seint
- mætt uppí Kringlu kl 13 02
- Náði að fara með Daníel til læknis (tók 40 min með bið og öllu)
- Náði að fara í 5 mismunandi verslanir
- Náði að borða á hlaupum
- mætt aftur uppá flugvöll kl 15:01 og vélin fór í loftið kl 15 30

Ásamt þessu þá hitti ég Davíð bróðir 2x (einkabílstjóri á milli flugvallar og Kringlu) takk Davið þú ert bara bestur *blikk*

Hitti Sigrúnu vinkonu líka
Geri aðrir betur haha

ok nýtt blogg

2009-01-17T16:47:00.006Z

Núna í liðinni viku þá fór ég mina daglegu ferð niður í póstkassann okkar og sé þá í hillu er bunki af dagatölum. Ég kippi einu með enda finnst mér alveg bráðnauðsynlegt að hafa svoleiðis hlut innan seilingar á heimilinu. Á leiðinni upp í lyftunni þá fer ég eitthvað að kikja á þetta fína dagatal og sé þá að þetta er dagatal frá Akureyrarbæ og allt uppfullt af upplýsingum og fyrirfram merktum viðburðum á viðeigandi degi. Vááá þetta er bara tær snilld sko, allt sett inn sem viðkemur viðburðum í bæjarfélaginu hvort sem það snýr að menningu, skólamálum (starfsdagar í leik og grunnskólum, samrænd próf etc....) viðburðum, já bara öllu tengd bænum á einn eða annan hátt. Þetta finnst okkur sveitafólkinu mikil búbót :-)

Flottur í bleiku

2008-12-25T20:32:00.001Z

Jóla jóla jóla blogg

2008-12-20T11:06:00.004Z

Þetta blogg er einungis til þess að ýta grepputrýninu á bróður mínum aðeins neðar, annars finnst mér sú mynd þrælflott.. hehe
Hafið það gott í jólaösinni

Villi afmælisbarn

2008-12-17T16:59:00.000Z

Til hamingju með daginn kæri bróðir... vona að konan þín hafi dekrað þig í allan dag
Kossar og knús vestan af fjörðum

vóóó

2008-12-10T19:47:00.002Z

ég hef bara ekki bloggað í 6 vikur.. er bara að tékkja á þvi hvort ég muni aðgangsdótið inná síðuna... júbb ég mundi það

Þá er ég búin að blogga í bili

Kv. Jóhanna

Aron Kári dagmömmustrákur

2008-11-05T08:20:00.005Z

Dagmamman hans Arons Kára var að búa til síðu á barnalandi fyrir myndir og fleira þið getið kikt á það hér Fullt af myndum af Aroni þar inni... svo skyldist mér á dagmömmunni að henni finnst voða gaman ef kvittað er í gestabókina ;)

Annars er ég byrjuð að lesa fyrir prófin sem byrja í des, þvi verður litið bloggað nema eitthvað frábært bloggefni dúkki upp Sjáum til......

Kveðja frá Akureyringunum

Þessi er stödd á Kanarý....

2008-10-26T20:14:00.004Z

Fékk frá henni sms í dag þar sem eitthvað var minnst á sól og blíðu... bara alveg eins og á Akureyri. En allavega þá bað hún mig um að setja kveðju frá sér á bloggið mitt og þá er þvi skilað hér með...

Mamma hefur það mjög gott í sólinni og hún biður að heilsa öllum .... :-D

Lang flottastur

2008-10-26T20:12:00.001Z

Fjölgar í bloggheimum

2008-10-18T13:07:00.003Z

Sævör systir er byrjuð að blogga. Valdimar sonur hennar er að fara á næstu vikum í beinmergskipti til Holllands en hann er með sjaldgæfan sjúkdóm sem heitir Chronic Granolomatus diseas eða CGD. Það er litið að finna um þennan sjúkdóm þar sem enn er ekki mikið vitað um hann en þetta er blóðsjúkdómur sem er þannig að hvítu blóðkornin eru veik. Jón Þor bróðir hans er einnig með samskonar sjúkdóm en ekki eins langt gengin. Endilega kikið á síðuna hennar.

Sá stóri og sá litli

2008-10-12T13:33:00.008Z

Sá stóri er farin út með vini sínum og var planið að fara með strætó í skautahöllina og renna sér þar á skautum, svo er hann farin að æfa handbolta á fullu. Nóg að gera hjá honum. Mömmunni finnst hann þó voða fullorðin að fara aleinn í strætó þeas ekki með mig með í för. Huganirnar eru af ýmsum toga í tengslum við þetta þar sem við höfum jú búið á Suðureyri í mjög svo vernduðu umhverfi og þá dugði að skreppa útá svalir og kalla á drenginn að koma heim að borða. Hvað ef hann fer út á vitlausum stað ? Hvað ef hann dettur og brýtur sig á skautum og ég er ekki á staðnum ??? Hvað ef ? hvað ef?
jæja maður verður víst að sleppa takinu smátt og smátt :/

Sá litli á víst að heita fótbrotinn, ekki er gipsið sem nær uppá mitt læri eitthvað að tefja drenginn. Hann gengur um með sparkbílinn sinn, prílar ofaní og uppúr dótakassanum sínum og skríður um allt eins og herforingi aðalega á eftir kettinum. Fórum á róló í morgun og þar var hann á fullu allan tímann. Svo til að hafa lífið nógu skemmtilegt þá eru 4 nýjar tennur búnar að brjóta sér leið upp og allavega 2 í viðbót á leiðinni. Svo er ég hissa á að barnið sofi ekki nógu vel hahhaahaaaa

Litli kútur komin í gifs

2008-10-02T14:09:00.002Z

óhapp hjá dagmömmunni og útkoman er fótbrot á hægri fæti

Á pollinum

2008-09-15T17:06:00.006Z

Það er gaman þessa dagana að taka sér rúnt framhjá pollinum.

ohhh

2008-09-13T13:53:00.002Z

ég var klukkuð jæja jæja klárum þetta af...

Fjögur störf sem ég hef unnið um ævina:

- Í fiski hjá Íslandssögu

- Video leigu á Grundarfirði

- Baka smákökur og laufabrauð fyrir Kristjáns bakarí

- Sjúkraliði á FSÍ

Fjórar kvikmyndir sem ég held upp á:

- Titanic

- Mulin Rouge

- Bridget Joens Diary

- My best friends wedding

Fjórir staðir sem ég hef búið á:

- Ingólfsstræti 21a í Reykjavík

- Sæból 46 í Grundarfirði

- Túngata 21 Suðureyri

- Vestusíða 32 Akueyri

Fjórir sjónvarpsþættir sem mér líkar:

- Friends

- House

- Grey´s anatomy

- Nágrannar

Fjórir staði sem ég hef heimsótt í fríum:

- Þýskaland

- Hollandi

- Skotland

- Ungverjaland

Fjórar síður sem ég skoða daglega fyrir utan blogg:

www.mbl.is

www.bb.is

www.unak.is

www.visir.is

Fernt sem ég held upp á matarkyns:

- Pastaréttir

- Ís af ýmsum tengundum

- Nautakjöt

- lambakjöt

Fjórar bækur sem ég les oft. ( Les bara skólabækur þessa dagana

- Human anatomy

- Human physiology

- Liffæri mannsins

- Fundamentals of nurceing

Fjórir staðir sem ég vildi helst vera á núna:

- Úti í göngutúr

- á kaffihúsi með vinkonum mínum

- Á Suðureyri

- Heima hjá mömmu minni í Grundarfirði

Ég klukka BETSÝ, DAGMAR ÝR, MÆJU Í NOREGI, og svo Davíð bróðir þvi hann elskar að gera svona klukk

Sjónvarpið

2008-09-10T20:45:00.002Z

Já það er smá munur á sjónvarpsefni þegar flutt er úr sveitinni. Þegar við stungum myndlyklinum í samband þá uppgvötuðum við nýjar stöðvar sem eru opnar hér á Akureyri og líka margar sem eru lokaðar sem við ætlum ekki kaupa áskrift að. Sem dæmi um lokaðar stöðvar er stöð2 sport 1-8 held ég.... já nei veistu ég held ekki. En hins vegar þá erum við að uppgvöta kosti stöð2 + en það er jú ansi þægilegt svona ef maður missir af einhverju og geta þá stilt á þetta og séð efnið klukkutima seinna. Þá finnst okkur sveitafólkinu finnst þetta mikil kjarabót og mjög þægilegt :)

Það þarf ekki mikið til að gleðja okkur

Stjörnuspáin mín í dag samkvæmt Mogganum

"Þin bíður eitthvað stórt og spennandi. Passaðu þig! Þegar þú byrjar að tala um það, slást fleiri í hópinn. Þeir gætu orðið ofurafbrýðisamir eða ofurhjálpsamir"

Ómæ, jæja ég bíð bara spennt

Ræktin

2008-09-10T20:30:00.002Z

Já ég hafði hugsað mér að byrja í ræktinni með haustinu og reyna að losna við síðasta meðgöngukílóið og byggja mig aðeins upp jary jary
Hins vegar þá er þetta bara enn inní kollinum á mér en ekki komið til framkvæmda þar sem ég er sérstaklega góð í að finna afsakanir í að fara ekki

Þannig að mig vantar SPARK Í RASSINN anyone !!!!

ó nei

2008-09-02T22:11:00.003Z

... kæru vinir og vandamenn ég er sko ekki á leiðinni að segja frá þessu ljóskulega atviki mínu á sjálfu internetinu, hættiði bara að suða hehe.

En ef ykkur langar að heyra af öðrum hrakningum mínum þá datt ég svona líka glæsilega niður tröppur í Kjarnaskógi sl. sunnudag tognaði á hægri fæti og göngulagið eftir þvi

Annars allt gott að frétta:)

Daglegt amstur

2008-08-28T16:30:00.002Z

Fór í Pennan - Eymundsson í dag að versla mér smotterí sem mig vantaði fyrir skólann. Þetta voru nú bara nokkrir hlutir, ein stilabók, blýpenni + blý og svo Post it miðar litlir. Svo var farið á kassann að borga fyrir herleg heitin en þá komst ég að þvi að Post-it miðarnir voru á tæpan 2000 kall. Þetta hlýtur að vera "merkjavara"

Toppaði daginn með mjög svo ljóskulegu atviki í einu ónefndu fyrirtæki hér í bæ, en frá þvi verður sko ekki sagt frá á opnum vef ehemmm...

Bestu kveðjur frá Akureyrinni

ÍÞRÓTTABLOGG !!!!!!

2008-08-23T13:47:00.002Z

Það er nú alveg hægt að horfa á "strákana okkar" spila enda er handbolti skásta boltaíþróttin að mínu mati. Júbb ég og strákarnir ætlum á fætur í fyrramálið og horfa á leikinn. Efast ekki um að gullið komi til okkar :D

Nýr staður - nýjir tímar

2008-08-19T21:09:00.003Z

Já í dag var mikill merkisdagur. Aron Kári fór í fylgd móður sinnar í aðlögun til dagmömmunnar, yndæl kona sem býr skammt frá hýbýlum okkar. Ekki laust við að mömmuhjartað hafi slegið örar við þessa breytingu. Sjá litla ungann sinn feta fyrstu skrefin útí lífið og mamman ekki alltaf til takst en þetta er víst einn partur af lífinu. Eftir dagmömmu heimsókn fór drengurinn heim og pabbinn gætti hans meðan mamman steig sýn fyrstu skref í Háskólanum á Akureyri, enn og aftur sló hjartað örar og nú af tilhlökkun og spennu. Þetta gekk nokkuð vel og var gaman að sjá framan í hinar konurnar sem er í sama bekk. Samkvæmt innra neti háskólans þá er einn strákur skráður í bekkin en ég varð ekki vör við hann. Kannski varð hann hræddur við kvennastóðið sem arkaði inn ganginn ... hver veit

Akureyri

2008-08-16T23:09:00.003Z

Þá er við komin í litlu sætu blokkaríbúðina hér á Akureyri. Erum búin að koma okkur þokkalega vel fyrir í byrjun þó það vanti eitt og annað sem gleymdist á Suðureyri. ehemm ;)
Skólinn byrjar á Þriðjudag og ég held að ég sé bara tilbúin í slaginn. Þetta verður bara gaman.

Suðureyri - Akureyri

2008-08-11T22:26:00.002Z

Jæja Akureyringar verða svo heppnir að fá okkur í hús og er áætlaður flutningur á föstudaginn nk. Þetta verður skrítið og skemmtilegt að koma aftur í þennan höfuðstað norðurlands en ég er allavega viss um að eitt af þvi fyrsta sem ég geri á Akureyri er að fá mér samloku með frönskum

vúhú

1 árs í dag

2008-08-07T07:21:00.004Z

7.ágúst 2007 3540 gr og 48 cm
7.ágúst 2008 9440 gr og 72 cm

Bongó blíða

2008-07-31T15:45:00.003Z

20 stiga hiti hér á Suðureyri, við Aron Kári eyðum dögunum úti í blíðunni og höfum það huggulegt.

En að öðru, hvað ætli sé nú að frétta af namibíu fjölskyldunni, samkvæmt síðastu færslu hjá Gullu minni þá var hún að kvarta undan kulda, ég vona að hún hefi ekki frosið í hel konugreyið. Þau er þvi vinsamlegast beðin um að láta vita af sér.

Nú ef einhverjir ættingjar kikja á síðuna hjá strákunum mínum þá er í fyrra júlíalbúmi myndir frá Grundarfjarðarheimsókninni okkar og þar var smellt mynd af Gesti og gangandi

En nú erum við Aron Kári farin út í sólina

Kveðja Jóhanna sem er að pikka þessa færslu á nýju BLEIKU Dell inspiron tölvuna sína

Mánudagurinn 28.júlí 2008

2008-07-28T14:18:00.003Z

Elsku mamma mín

Til hamingju með daginn.

Þín Jóhanna

Skólatelpa

2008-07-18T22:16:00.003Z

Já eftir réttan mánuð þá mun ég setjast á skólabekk eftir 4 ára fjarveru, Háskólinn á Akureyri verður svo heppin að njóta nærveru minnar en þar mun ég nema hjúkrunnarfræði vonandi næstu 4 árin þe ef ég kemst í gengum klásusinn um jólinn. Af þvi tilefni ákvað ég að byrja smá undirbúning og fór á bókasafnið á Ísafirði og fann þar þessa líka flottu bók í "sjálfhjálparbókadeildinni" og ekki skemmir fyrir að eintakið er bleikt.

Ættingjar sem reka inn nefið

2008-07-18T22:12:00.004Z

Tommi frændi kom í heimsókn með fjölskylduna, hann er þvi núna titlaður ÆTTINGI ÁRSINS.... þar sem það er alltaf ein fjölskylda á hverju ári úr minni móðurætt sem rekur inn nefið hér vestur á fjörðum

TIL HAMINGJU MEÐ TITILINN TOMMI FRÆNDI !!!!

Mjólkurfernur

2008-07-10T20:01:00.006Z

Mikið er ég fengin að sjá þessa frétt inná bb.is. Þar sem ég ætlaði að skrifa langan pistill hér og pirrast út í þetta sunnlenska drasl. En eins og sjá má þá er það algjör óþarfi

Annars er sæluhelgi framundan

Piparjúnkur vestur á fjörðum

2008-07-01T22:31:00.005Z

Þetta er Lilja vinkona mín. Hún er ekki enn gengin út. Þvi bauð ég henni á svalirnar að skoða sendingu þessarar viku en alla þriðjudaga kemur risastór rúta sem inniheldur eingöngu karlmenn á ýmsum aldri.

Hér má sjá hana virða fyrir sér hópinn.....

Ekki fannst henni þetta nógu sætir strákar og þvi fór hún beint í tölvuna og leita þar....

Þið hinar sem eruð ekki enn gegnar út eru meira en velkomnar á svalirnar mínar alla þriðjudaga í sumar... rútan kemur um kl 19:30

Egill Skallagrímsson !!!

2008-06-30T20:09:00.002Z

Var á göngu núna á laugardaginn með rauða vagninn og það kemur bíll og stoppar hjá mér. Svo sem ekkert óvanalegt á sumrin þegar margt er um ferðamanninn í þessu fallega þorpi. Í bílnum voru 3 íslendingar, uppáklædd í sínu fínasta taui. Samtalið sem fór fram var eitthvað á þessa leið.

Ferðamaður : afsakið en ert þú innanbæjarkona hér
ég : ég er það já
Ferðamaður : Geturu sagt mér hvar hús sem hét Grund í gamla daga er staðsett hér
ég : ég kannast nú ekki við öll nöfnin á húsunum hér en ég get alveg fullyrt að þetta nafn hef ég aldrei áður heyrt talað um
Ferðamaður : núnú ok en hérna kannastu við mann að nafni Egill
ég :já ég veit hver það er
Ferðamaður : Endilega leiðbeintu mér hvernig ég kemst þangað

ég kem með suttar og einfaldar leiðbeiningar hvar maðurinn býr. Fólkið í bílnum mjög ánægt í alla staði með góðar leiðbeiningar

Ferðamaður : Konan hans, hún heitir Magnea ekki rétt
ég : magnea ??? nei nei hún heitir Guðrún er yfirleitt kölluð Gunna
Ferðamaður : Nú ok jæja þá drífum okkur, en eitt enn er ekki heilmikill bílafloti fyrir utan húsið hans, svo við séum nú alveg viss um að fara á réttann stað.
ég : nei ha bílafloti nú á Egill gamli afmæli eða eitthvað svoleiðis ????
Ferðamaður : Egill gamli ??? hann er nú ekki gamall rétt að verða fimmtugur
ég : Fimmtugur neiiiii, þessi Egill sem um ræðir er komin vel yfir áttrætt

Inní bílinn sló á algjöra þögn...... svo eftir smá stund heyrist úr aftursætinu, við erum ekki að leita að Agli Skallagrímssyni

ég: Eru þið nokkuð stödd í vitlausu þorpi. Þetta þorp heitir Suðureyri

Ferðamaðurinn var frekar kindarlegur á svipinn kvaddi mig hið snarasta og ég horfði á eftir bílnum bruna útúr þorpinu á miklum hraða.... eftir stóð ég og alvg missti mig úr hlátri enda greinilegt að fólkið var á röngum stað

Í dag fór ég í sundlaugina og sagði frá þessu fólki í bílnum og ein konan í pottinum tjáði mér það að það hefði verið afmæli í SÚÐAVÍK þennan dag þar sem Egill nokkur búsettur þar ætti afmæli...

Rjómabliða

2008-06-25T20:51:00.003Z

Enginn tími fyrir blogg vegna veðurs... sjáum hvað gerist næst þegar rignir

Strákarnir mínir

2008-06-18T20:07:00.002Z

Í minningu.....

2008-06-12T10:48:00.003Z

já við erum búin að eiga margar góðar stundir saman, gengið gengum súrt og sætt, gleði og hamingju, tár og reiði. Góðar fréttir og slæmar fréttir.... margt hefur gengið á sl 3 ár sem við höfum átt saman. Til að hafa þetta örlítið nákvæmara þá set ég hér lista yfir okkar samverustundir....

162 klukkustundir inn
249 klukkustundir og 16 mínótur út

2685 send SMS
2730 móttekin SMS

Sunnudagsmorgun á Suðureyri

2008-06-08T14:10:00.004Z

Bankað á glugga í morgunsárið. Aron Kári var fljótur að kikja hver væri komin í heimsókn. Svo var drjúgum tíma eytt í spjall í gegnum gluggann, ég skildi ekki hvað umræðuefnið var þar sem báðir sem eiga í hlut hafa sitt eigið tungumál.Góðum klukkutíma síðar kvaddi gesturinn og flaug á brott

Við unnum sko enda langflottastar :)

2008-06-04T20:08:00.002Z

20 ára !!!

2008-06-04T08:24:00.004Z

Dagmar frænka tvítug er
Gaman verður mikið
Létt í spori i ríkið fer
fer svo yfir strikið

Elsku Dagmar okkar til hamingju með daginn í dag. Frá okkur á hjara veraldar

Finnið eina villu

2008-05-29T09:21:00.003Z

Jæja gott fólk, þessi mynd sýnir lyklaborðið á tölvunni minni. En það er eitthvað sem vantar. Finndu hvað vantar og skelltu því í athugasemdir.... aldrei að vita nema það séu verðlaun í boði

Mei tai

2008-05-27T09:49:00.003Z

Jæja hvernig tökum við okkur út með pokann góða ??

Ein ég sit og sauma

2008-05-26T23:24:00.014Z

Settist við saumavélina í dag og saumaði burðarpoka fyrir okkur Aron Kára. Læt hér fylgja nokkrar myndir af vinnunni en þar sem módelið er steinsofandi og engar myndir
hafa þvi verið tekar af okkur mæðginum með pokann í notkun.

En við bætum úr þvi á næstu dögum.

reversable

Annasamur laugardagur

2008-05-25T12:53:00.006Z

Það var mikið að gerast hjá okkur á laugardaginn. Dagurinn byrjaði snemma og vorum við mætt í kirkjuna á Ísafirði kl 13 til að sjá Svavar litla taka við studentsskýrteininu sínu.

Veisla á eftir og gaman. Svavar var flottur með hvítu húfuna og ég dró fram mina útskriftarhúfu dustaði af henni rykið og var með hana í kirkju og veislu, hefði samt verið miklu flottara ef hún hefði verið svört en jæja grá skal duga.

Svo var grill og eurovision partý hjá Leif og Petru og þar var mikið fjör og mikið gaman. Æðislegur matur og nóg að drekka :o) Aron Kári fékk að fara með i matinn en svo fór ég með hann heim og hann fór að sofa. Sá eldri fékk það ábyrgðarhlutverk að hlusta eftir litla bró. Mamman á taugum og starði á símann allt kvöldið stödd í þarnæsta húsi. Símtölin uðru nokkur og af mismunandi toga sem komu frá frumburðinum. Förum aðeins yfir þetta. Pössunin stóð fyrir í 4 klst eða frá kl 20 til miðnættis

Símtöl 1-3 HANN ER VAKNAÐUR !!!!!!!!!!!! og í öll skiptin hljóp ég heim til að hugga og gefa snuð

Símtal 4 Mamma mamma... símtal slitnði og ég stökk af stað heim... Innum dyrnar ég og fannst samt skrítið að heyra engan barnsgrát.. sá eldri stóð inní eldhúsi og sagði hurru má ég skreppa aðeins niður á bryggju þvi það var að koma stórlúða í land... jújú mamman samþykkti það en tók loforð að ekki yrði stoppað lengi svo ég kæmist aftur í partýið...

Simtal 5 MAMMA MAMMA.... símtal slitnaði og eins og áður þá stökk ég heim, enginn barnsgrátur.. hummmm.. Sá eldri enn inní eldhúsi "Mamma hvað ætlið þið að vera lengi?" Drengurinn beðin um að senda sms með svona spurningar.. hann lofaði þvi

Hálfnuð á leið heim... bankað á glugga í ofboði og bending um að koma til baka... ég sný við en í þetta sinn fór ég ekki upp og sá eldri kallaði "Hvenær ætlið þið eigilega að koma heim aftur, ég gleymdi því"

Símtal 6 MAMMA MAMMA.... enn og aftur stökk ég heim og þá var drengurinn að kvarta undan hávaða af neðri hæðinni og var hræddur um að bróðir sinn mundi vaknaa... jæja ég fór niður á Talisman lækkaði og fór svo aftur í fyrrnefnda eurovision partý

Ekki urðu fleiri símtölin þetta kvöldið en þarna var klukkan að nálgast miðnætti. Mamman orðin dauðþreytt á þessum hlaupum og ákvað að drífa sig bara heim og skríða í bólið...

Það fyrsta sem ég heyri þegar ég kem upp.... "jæja mamma hvað fæ ég borgað fyrir að passa"

2008-05-24T11:56:00.001Z

Já kannski ég ætti að fara að læra á gitar... hvernig tek ég mig út ???

Systkyni

2008-05-18T20:34:00.005Z

Stundum er ég spurð að þvi hvað ég eigi mörg systkyni... alltaf hika ég þvi systkynin eru jú nokkur stykki og líka soldið eftir þvi hvernig ég lít á það sjálf. Elli var spurður að þessu í brúðkaupinu okkar og gat ekki svarað fyrr en mamma stóð upp og veitti smá aðstoð.. ok förum bara aðeins yfir þetta
Ég er fædd Guðmundsdóttir en stundum þá er handritið soldið flókið. Ég eignaðist yndislega fjölskyldu þegar ég var rúmlega 5 mánaða. Upphaflega settið stóð af Eygló og Hans nokkrum Wiium/Wíum. Þau áttu saman 2 stráka Davíð og Villa en áður átti Hansi einhver 6 stykki krakka með fyrri konu sinni. Svo haga örlögin þvi til að Hansi fellur frá árið 1981 og þá stendur mamma uppi einstæð með 3 börn. Já árin líða og hún kynnist Þorvarði nokkrum Lárussyni sem ég er kennd við í dag en mamma var 3ja konan hans. Honum fylgdi 6 krakkar og svo 4 fósturbörn til viðbótar sem hann ól upp en þau börn eru fyrri börn hinna 2ja kvenna sem hann giftist/bjó með.

Samtal sem ég átti við kunningjakonu mína í dag var svohljóðandi

J: Ég komst inní Háskólann á Akureyri og er að byrja í fjarnámi frá þeim í hjúkrun frá Ísafirði í haust

V: Til hamingju með það, þarftu þá ekki að fara reglulega til Akureyrar ?

J: Jú og fyrsta ferðin verður núna í lok ágúst þegar nýnemadagar verða á Akureyri

V: ok og áttu einhverja ættingja þar

J: Já, stjúphálfbróðir minn í föðurætt býr þar !!!

Samtalið varð ekki mikið lengra þar sem ég nennti ómögulega að útskýra hvernig þessum málum sé háttað, fór bara glottandi í burtu og konugreyið hristi bara hausinn ;)

Svarið sem ég gef við þessari upphaflegu spurningu í þessum pistli er svona
Ég á 2 bræður mömmumegin og svo eina systur og 5 bræður pabba megin.

Einfalt,fljótlegt og samþykkt í nútíma fjölskyldumynstri árið 2008

2008-05-18T08:51:00.001Z

Prófa fídusana á þessu dóti hérna

Árla dags

2008-05-18T08:33:00.001Z

Jæja prófum þetta blogg og sjáum svo til hvað ég endist